Silvester Party in der RegiChile

Für alli wo a Silvester no nüt vor händ: ihr sind herzlich iiglade zum mit ois is 2017 rutsche❄

- am 31.12. 19:30 Uhr

- i de RegiChile

- mit Dinner

- bis ca. am 1

- mitneh: Fr 5.--

- amälde bis am 28.12. bim Dave (077 451 97 08)

Mir freued ois uf dich!

Lg Jugi&TC

Schnitzeljagd erfolgrich beendet :-)

 Ä erfolgriichi Jagd dur dä Wald
isch mitäre feine Gerstesuppe mit Wienerli und feinem Punsch belohnt worde.

Danke fürs Mitmache!

ab in Wald

Hallo Zäme

Am Samschtig Abig träffed mir eus am halbi 8di.

Mir gönd use...

--> warm alegge

-- > Stirnlampe oder Taschenlampe mitnäh

-- > Schueh für in Wald

-- > grosse Becher mit Löffel

See you: s'Jugiteam

DANKE VILL MAL LEONIE!

D‘Leonie verlaat s'Jugi-Leiterteam… *sniff*
… und drum wünsched mir ihre alles Gueti
und danked vill vill Mal für ihre langjährig Iisatz i de Jugendarbet vo de RegiChile!

Isch cool gsi mit dir :-)

Bible & Worship & Gemeinschaft

Nächst Samstig am 19:30 isch wieder Jugi! Am beste nimmsch dini Lieblingsbible mit, mir wänd chli gnauer aneluege was det drin zum Thema "der menschliche Geist" staht. Mir werded au no e worship-Ziit ha und de Abig mit gmüetlichem Zämesii & Knabbere (und wänd Lust häsch mitme Spieli) usklinge la.

Mir freued ois uf dich!!

LG s'Jugi-Team

 

Vorinfo: Jugi bei Ihnen zu Hause

Mir träffed eus  am Samschtig 15. Oktober bereits am halbi 7ni
und gönd aschlüssend go z'Nacht ässe ;)

Chilbi Bäri

Fein ässe, gmüetlich öbis Trinke, Schlange Brot brätele,   Karussell fahre, lustig ha und und und

das isch Jugi binäre Chilbi ...

gäch gsi ;DD

Danke für de cool Abig wo mir händ chöne mitenand verbringe ...

News zum Nachtnummerespiel

Am Sa. 3. Sept händ mir Jugi.

Mir träffed eus i de RegiChile bereits am 6i.

Mir wärded zäme Brätle, gmeinschaft ha, unteranderem mit de Jugi vo Pfäffikon und gmeinsam s'nachtnummere spiel spiele.

Mitnäh:

- Grillgut 🍗🍖, bilage und Teller / Besteck. Grillrost vorhanden.

Getränk nihmt Jugi mit.

- gueti Taschelampe 🔦🕯

- Wald tauglichi schuh

- ev. no öbis warm zum allege

- dini kollege.

Mir freued eus uf eu.

Lg s'Jugitem

N8nr. game am 3. September

Am nächschte Samschtig gahts ab in Wald:

- Grilliere

- Input

- Nachtnummer spiel

- Gschmeinschaft

- Schogi Banane

das alles wartet uf dich ... Treffpunkt 18:00

genaueri Infos folged no ...

Vielsiitig gsi ....

Trotz schlächte Prognose isch s'Wätter guet gsi.

Bi de letschte paar Sunnestrahle in Pfäffikersee, aschlüssend e feini Bowle und Gmeinschaft gnüsse ... schnäll in Unterstand seckle und Message vom Tömi lose währenddem s'Gwitter über Eus verbiizieht ...

Jugi gaht go bade

Nächschte Samschtig 23. Juli gahts ab id Badi, resp. in Pfäffikersee ;DDDD

Träffpunkt 19:30

Mitnäh: Badhose und Spiili wennd häsch.

Und falls Wätter sche... isch mached mir öbis anders ...

juuuhuu ab ins Kühle nass :-)

Rheinfall & Fussball

.. vo gmüetlichem Zämesii in Schaffhuse, abentüürlichem Bad im rissende Rhein und puri Emotione bim Fussballmatch; alles isch bi däm Jugi Abig z'ha gsi ...

Jugi gaht uf Schaffhuse

Am Samstig (2.7.) isch Jugi!! Achtung, de Träffpunkt isch bereits am 17:30 i de RegiChile. Mir gönd zu de Rahel Stricker go ihri Jugendherberg bim Rhiifall go aluege 😃

Für all die wo gern de Match 🇮🇹:🇩🇪 (am 21:00) wetted luege hettis bi de Rahel en grosse TV. Zudem bestaht dMöglichkeit (für all wo gern chli meh Stimmig hetted) uf Schaffhuuse i dEM-Arena zga, allerdings chostets det öppis und mir müend dTickets reserviere demitmer sicher Platz händ. Interessierti dadefür mäldet sich bitte bis spätistens am Friitig 12:00 bim Päsce (+41 79 954 43 99). Natürli chamer au eifach gmüetlich nochli bi de Rahel chille ohni EM oder au e sight-seeing-tour dur Schaffhuuse mache.

Mir freued ois uf oise Usflug mit oder ohni EM, und natürli au uf dich! 😉

Lg sJugi-Team

vielsiitig gsi ...

feini Drinks, süessi Crêpes, spannende Fuessball Match, Game, Boccia, Ping Pong und Worship mit Gedanke us de Bible ... ja so isch de Jugi Abig gsi :-)

 

EM luege und Gmeinschaft gnüsse

Am Samschtig träffed mir eus am halbi 8di i de RegiChile, zum gmüetlich EM luege, Boccia spiele, am Füür hocke und und und ...

Bisch härzlich iglade :-)

gmüetlich isch äs gsi ...

Än gmüetliche warme Summerabig händ mir därfe imäne familiere Rahme gnüsse.

Würst, Fleisch, Raclette und Spiegeleier händ mir überem Füür gmacht, bevor s'Füür als Wärmi dient hät. Dazue no än motivierende Input übers Bäte, Worship  und än offne Zügnis-Teil händ dä Abig abgrundet.

än gmüetliche Abig am Füür

Hoi mitenand :)

Am Samstig träffemer ois fürd jugi am 18.30 mit eme hungrige buch ide Regichile. Es git en gmüetliche abig am füür, mi ghöred en input zum thema gebät und wenn du öppis erläbt häsch mit Gott, häsch du au d möglichkeit, das z teile. Denn machemer no es paar cooli spiili. Mitnäh: Zässe zum grilliere, dini Biilage und warmi chleider. Für getränk wird gsorgt.

Lg vom jugiteam

än spannende lustige Abig isch äs gsi ....

cool das ihr alli cho sind, hät mega Spass gmacht mit eu.
Mit villne coole Spiili und spannende Duells.
Und dänked dra: verzelled Kernbotschaft vo de Bible wiiter eune Fründe!!!!

 **just do it **

Bilder folged bald ...

Sa. 23. April Gmeinschaft, Spiel, Spass und Message ;-)

Gmeinschaft, Input, Spiel und Spass wartet uf DICH am nächschte Samschtig Abig

Mir freued eus uf DICH

19:30 Uhr RegiChile

Liebe Gruss Jugi - Team

06:00 Ring Ring ... Schöne guete Morge wünscht eu dä Life Channel vom ERF .. startet guet in Tag...

ä spannendi Vorstellig und Füehrig durs ganze ERF händ mir därfe erlebe. Mir danked am ganze ERF-Team für ihri wertvoll Arbet

http://www.lifechannel.ch/radio-life-channel

 

ab in Erf am nächschte Samschtig ....

Hoi zäme

de Samstig isch wieder Jugi! Mir träffed ois am 19:30 im Jugiruum und mached ois dänn uf de Wäg richtig Pfäffike. Mir törfed zäme e Füehrig im ERF-Mediehuus gnüsse und chli meh drüber erfahre, was ihres Ziil vo de Radio-/TV-Arbet bi ois i de Schwiiz isch (chönd ja nöd alli uf Bonaire ga...😉).

Mir freued ois uf oi!!!

Lg s Jugi-Team

än spannende und asträngende Jugi - Abig ;-)

zum Glück häts Snack's gäh zwüsched dänne vielne coole lustige Spieli ...
und die spannende Duell's  uhhhhiii .... gfägets häts ....

Über dä Daniel & minigame Abig

Wie ihr ja sälber gsehnd häts leider immer no kei Schnee, darum gönd mir nöd go Schlittle sondern mached en gmüetliche Abig i de RegiChile .... jeeeehhh!!!!
Mir träffed eus am halbi 8di, diskutiertet und lueged ufs Läbe vom Daniel.
Und denn gits no vieli Minigames!!!!
Wer wird ächt die Games am beste absolviere? Wer wird dä King ...!?
Chum verbii und du wirsch live däbi sii!

*** nimm ä Joker-Charte mit und gib sie am Spielleiter, dänn wird dir scho en halbe Punkt guet gschribe ***

... jetzt sind mir alli Profis ;-D

uuhhh .. wüsche, wüsche, wüsche, comon schneller wüsche ... nöd nah la, jaaa jaaa äs chunt guet ... jääää voll is Huus und de anderi Stei usetäscht   : DDDD

isch e cooli Sach gsi mit eu, hät Spass gmacht